MGA BARIL AT BALA NAKUMPISKA SA 5 KALALAKIHAN SA BAYAN NG JOSE PANGANIBAN, CAMARINES NORTE SA ISINAGAWANG SEARCH OPERATION NG MGA AWTORIDAD

Arestado ang limang katao na kinilalang sina Vicente Inocalla Jr y Villafria aka “Bebot”, Dante Bombita y Diaz, Eric Bombita y Diaz, Carlo Sabaricos y Buendia pawang mga residente ng P-6 Brgy. San Rafael, Jose Panganiban, Camarines Norte at isang Mauro Bombita Sr y Coral, residente naman ng P-5 Sta Rosa Sur, Jose Panganiban, Camarines Norte.

Nakumpiska ng pinagsanib pwersa ng mga awtoridad sa Camarines Norte sa mga suspek ang ibat ibang armas at bala sa isinagawang search operation ng mga awtoridad kamakalawa ng umaga sa P-6 Sitio Tumbaga, Brgy. San Rafael, Jose Panganiban kabilang na dito mga sumusunod na armas;

11.     4 assorted Fire arms (2 Cal 45, 1 KG9 Machine pistol with silencer, 12 gauge shotgun, 2 mags for KG9, 59 rounds of live ammos, 5 mags of cal. 45, 80 rounds live ammos, 7 boxes ammos for 12 gauge shotgun na naglalaman ng 25 piraso bawat isa, o katumbas ng 181 piraso, 29 live ammos for cal. 22, 1 scope, 1 supresor, 2 inside holders and 1 outside holster.

22.    1 Winchesters 22 with silencer, 42 pcs empty shell for cal. 45, 14 pcs empty shell for 9mm.

Sa ngayon ang mga suspek ay nasa kostudiya na ng CIDG ganun din ang mga nabanggit na mga armas para sa kaukulang disposisyon.

Nagpaabot naman ng komendasyon si PSSupt Harris, OIC ng Camarines Norte Provincial Police Office sa magandang trabaho ng kanyang mga tauhan sa patuloy na pagsugpo at paghuli sa mga masasamang elemento ng lipunan.

LALAKING HINULI NG MGA BARANGAY TANOD’S NG BARANGAY PARANG, JOSE PANGANIBAN, CAMARINES NORTE DAHIL UMANO SA PAMBABASTOS SA ISANG MENOR DE EDAD! NAKUHAAN PA NG SHABU NG MGA AWTORIDAD?

Maliban sa kasong Acts of Lasciviousness mahaharap din sa kasong paglabag sa RA 9165 (Comprehensive Dangerous Drugs Act of 2002) section 11, article 11 ang isang lalaki na kinilalang si Rolando Andaya y Espina matapos itong makuhaan ng isang piraso ng heat sealed transparent plastic sachet na pinaniniwalaang naglalaman ng shabu, P150.00 pesos cash, dalawang lighter.

Una rito, dinakip ng mga barangay tanod’s ng nasabing barangay ang suspek dahil sa reklamo ng isang menor de edad sa di umano’y ginawang pambabastos nito subalit ng kapkapan ito ng mga awtoridad pagdating sa presinto ay nakuha dito ang isang sachet na pinaniniwalaang shabu.

Sa ngayon ang suspek ay nakapiit na sa detention facility ng Jose Panganiban PNP para sa kaukulang disposisyon.

LALAKING MAY KASONG MURDER, ARESTADO NG MGA AWTORIDAD

Arestado ng mga awtoridad ang isang lalaki na may kasong murder na kinilalang si Christian Briz y Camacho, 26 anyos, may live-in partner at nakatira sa P-2 Brgy. San Lorenzo, Sta. Elena, Camarines Norte.

Ayon sa mga awtoridad ang suspek ay may warrant of arrest na inisyu ni Hon. Judge Roberto A. Escaro ng RTC Br. 64 Labo noong July 28, 2015 kaugnay sa nasabing kaso.

Naaresto si Briz ng pinagsanib pwersa ng Labo PNP at Sta. Elena MPS bandang alas 9:00 kamakalawa ng umaga sa nasabing lugar na ngayon ay nasa kostudiya na ng Sta. Elena MPS.

Walang piyansang inirekomenda ang korte kay Briz dahil sa bigat ng ginawa nitong kasalanan sa batas.

1,000 BOARD FEET, NASABAT NG MGA AWTORIDAD SA BAYAN NG PARACALE, CAMARINES NORTE KANINANG MADALING ARAW

Tinatayang nasa 1,000 board feet ang nasabat ng mga operatiba ng Paracale Municipal Police Station  sa isinagawang pagbabantay sa kahabaan ng Provincial Roads sa barangay Tawig, Paracale bandang alas 4:00 kaninang madaling araw.

Ang nasabing mga kahoy ay lulan umano ng isang truck patungong bayan ng Paracale na minamaneho ng isang nagngangalang Medel Laguador y Villaflores 48 anyos, may-asawa, residente ng P-5 Brgy. Anahaw, Labo, Camarines Norte.

Sa ngayon ang nasabing driver ay nasa kustodiya na ng Paracale MPS ganun din ang mga nasabat na kahoy  para sa kaukulang disposisyon.

29 ANYOS NA LALAKI SA BAYAN NG LABO, KULONG DAHIL SA KASONG DIRECT ASSAULT

Kulong dahil sa kasong Direct Assault ang isang 29 anyos na lalaki na kinilalang si Fredirick Gabo y Aguilar, may live-in partner at residente ng Brgy. Malasugui, Labo, Camarines Norte.

Ayon sa mga awtoridad, bandang alas 12:30 kagabi ng kanilang maaresto ang suspek sa bisa narin ng warrant of arrest na ipinalabas ng korte sa pamamagitan ni Hon. Salvador C. Villarosa Jr. ng MTC Labo na may P24,000.00 bail recommended para sa pansamantalang kalayaan nito.

DRIVER ARESTADO DAHIL SA ULING NA KAHOY BAYAN NG LABO, CAMARINES NORTE

Kulong ngayon ang isang 53 anyos na padre de pamilya na kinilalang si Sammy Ernesto Quila Jr y Madera, residente ng P-4 Brgy. Bulala, Sta. Elena, Camarines Norte matapos itong maaktuhan ng mga operatiba ng Labo PNP at DENR na nagta-transpot ng tinatayang nasa 133 sako  ng uling na kahoy lulan ng isang Fuzo Forward Truck na may plate no. UDS 531 bandang alas 6:30 kaninang umaga sa P-6 Brgy. Tigbinan, Labo, Camarines Norte.

Ayon sa mga awtoridad, walang maipakitang kaukulang dokumento ang nasabing driver dahilan para kanilang itong arestuhin at kumpiskahin ang nasabing mga uling na kahoy.

Sa ngayon ang driver na si Quila ay nasa kostudiya ngayon ng Labo PNP para sa kaukulang disposisyon habang ang mga sako-sako uling na kahoy ay nasa pangangalaga na ng Department of Environment and Natural Resources (DENR) Daet.

ISANG IMPROVISED EXPLOSIVE DEVICE, NAREKOBER NG MGA SUNDALO MALAPIT SA BAHAY NG ISANG RESIDENTE SA BAYAN NG LABO, CAMARINES NORTE

Isang Improvised Explosive Device (IED) at iba pang pampasabog na nakalagay sa isang drum malapit sa bahay ng isang nagngangalang Unio Corporal ng P-2 Brgy. Malaya, Labo, Camarines Norte ang narekober ng mga sundalo ng 49th Infantry Battalion (Good Samaritans) habang nagsasagawa ng security patrol ang isang Squad Charlie Company na pinamumunuan ni Sgt. Anthony Cepeda y Jalaman sa lugar.

Sa ngayon nagsasagawa pa ng malalimang imbistigasyon ang mga awtoridad hinggil dito at kung sino ang may pakana nito.

Sa kasalukuyan nasa kustodiya na ng 49th IB, PA sa barangay Mahawan-hawan, Labo ang nasabing IED habang patuloy sa pangangalap ng iba pang mga impormasyon hinggil dito.

MAHIGIT P1.2MILYONG SHABU, NASAMSAM SA BUY-BUST OPS. NG MGA AWTORIDAD SA CAMARINES NORTE

Umaabot sa 250 gramo ng shabu na nagkakahalaga ng  P1,250,000.00 pesos ang nasamsam ng mga awtoridad sa Camarines Norte sa isinagawang buy bust operation kamakalawa.

Sa pamamagitan ng pinagsanib pwersa ng Sta. Elena MPS, PDEA Camarines Norte at Camarines Norte Provincial Intellegence Branch na pinamunuan nina Agent Enrique G. Lucero at PCI Juancho B. Ibis, arestado ang dalawang lalaki na kinilalang sina Mamao G. Misug, 31 anyos, may-asawa at isang nagngangalang Batotoy Regala kapwa mga residente ng Brgy. Baclaran, Calauag, Quezon.

Nakuha mismo ng mga awtoridad sa mga ito ang nasabing gramo ng shabu na nakalagay sa dalawang piraso ng knot tied clean plastic, pera at iba pa.

Sa ngayon ang nasabing mga droga ay dinala na sa Camarines Norte Provincial Crime Laboratory Office habang ang dalawang suspek ay humihimas na ng bakal na rehas sa detention facility ng Sta. Elena Municipal Police Station na nahaharap sa kasong paglabag sa RA 9165 ( Comprehensive Dangerous Drugs Act of 2002).

Base sa mga awtoridad, ito ang pinakamalaking droga na kanilang nasabat ngayong buwan ng Agosto 2015 sa nasabing bayan.

2 WANTED PERSON SA MAGKAHIWAY NA KASO, ARESTADO NG MGA AWOTORIDAD SA CAMARINES NORTE

Arestado ng mga operatiba ng Mercedes PNP ang dalawang katao na may hiwalay na kaso sa isinagawang operasyon kahapon.

Unang naaresto ang isang ginang na kinilalang si Ana Santelices y Bernas, 36 anyos, may-kinakasama, residente ng P-3 Brgy. San Roque, Mercedes dahil sa kasong estafa na may P16,000.00 bail recommended para sa pansamantalang kalayaan nito.

Nahuli si Santelices pasado alas 6:20 kagabi sa Barangay 1, Mercedes, Camarines Norte.

Sunod na nahuli ang isa pang suspek na si Rodrigo Igano y Vega, 43 anyos, may live-in partner na residente ng P-3, Brgy. 4, Mercedes, Camarines Norte sa kasong Direct Assault kung saan may P6,000.00 bail recommended para sa pansamantalang kalayaan.

Si Igano ay naaresto sa Barangay Gahonon, Daet, Camarines Norte kahapon.

Ang dalawang akusado ay parehong may warrant of arrest mula sa korte na ngayon ay parehong humihimas ng bakal na rehas sa detention facility ng nasabing istasyon ng pulisya.

TUBIG MULA SA BATOBALANI WATERSHED, HINDI PASADO SA INSPECTION NG RHU PARACALE PARA KUNAN NG INUMING TUBIG?

Bumagsak umano sa isinagawang pagsusuri ng Rural Health Unit Paracale, Camarines Norte ang tubig na nagmumula sa Batobalani Watershed.

Ito ang sinabi ni Arvin Rieza, Rural Sanitary Inspection III sa panayam ng Balitang Probinsya.

Ayon kay Rieza, nito umanong nakalipas na buwan ng Hulyo sa kanilang isinagawang pagsusuri sa tubig mula sa dam ng nasabing water facility ay bumagsak ito dahil na rin umano sa dumi, gaya ng mga dahon ng kahoy at iba pa.

Hindi rin advisable umano na inumin ang nasabing tubig na nagmumula sa nasabing dam.

Dahil dito, nagbigay s'ya ng recommendation sa tanggapan ng Paracale Water District kabilang na dito ang paglalagay ng filter box with silica sand, gravel, filters and activated charcoal ganun din ang immediate rehabilitation ng nasabing dam at iba pa.

Sakaling hindi umano ito maaksyunan ng PWD sa pamumuno ni General Manager Lot Villanueva ay kanila na itong ipapasa sa LOWA ang nasabing suliranin para magawan ng aksyon na matagal ng inirereklamo ng mga konsumedores sa PWD.

Kung maalala, nitong nakalipas na mga semana ay kulay itim umano ang lumabas sa mga gripo ng mga konsumedores mula sa nasabing watershed na pinangangambahan na baka makaperwisyo pagdting ng panahon.

Hinihintay rin dito ang aksyon ng LGU Paracale sa pamumuno ni Mayor Romeo Moreno na base sa barangay council ng Batobalani ay ilang resolusyon na rin ang kanilang ipinasa sa Sangguniang Bayan pero wala pa umanong tugon hanggang sa ngayon ang lokal na pamahalaan.

RAHABILITASYON NG FISH SECTION NG LABO PUBLIC MARKET, PERSONAL NA BINISITA NI MAYOR ASCUTIA KAHAPON

Personal na binisita ni Mayor Joseph V. Ascutia kahapon ang ipina-rerenovate na fish section sa loob ng Labo Public Market.

Ito'y upang masiguro na maayos ang pagkakagawa nito para narin sa maayos na pagnenegosyo ng mga negosyante sa loob ng pamilihan ganun din sa mga mamimili.

Noong una kasi ay walang maayos na drainage system na nagiging dahilan ng pag-apaw ng tubig lalo na tuwing tag-ulan pero ngayon ay pinalagyan na ito ni Mayor Ascutia para hindi narin magputik sa lugar.

Sa panayam ng Balitang Probinsya kay Mayor Ascutia ngayong umaga, sinabi nito na ginagawa n'ya ang personal na pagbisita sa kanyang mga proyektong ipinapagawa upang masiguro na hindi sinaputi ang pagkakagawa nito upang mapakinabangan ng mahabang panahon.

Una nang matatandaan na unang ipinaayos ni Mayor Ascutia ang dried fish section at vegetables section kasunod ang paglalagay ng canopy sa nasabing pamilihan kung saan malayang nakakapamili ang mga mamimili kahit na umuulan dahil sa ito'y fully roof na. 

CAMARINES NORTE PROVINCIAL JAIL, PINAGKALOOBAN NG 3 M16-5.56MM BABY ARMALITE NG PROVINCIAL GOVERNMENT OF CAMARINES NORTE

Tatlong bagong M16-5.56mm Baby Armalite, 9 na magazines at 100 mga bala nito ang ipinagkaloob ng Provincial Government of Camarines Norte sa pamumuno ni Gobernador Edgardo Tallado sa Camarines Norte Provincial Jail.

Sa ipinalabas na report ng Camarines Norte Public Information Office, umaabot sa  P427,500.00 ang halaga ng mga armas na gagamitin ng mga Jail Guards ng Provincial Custodial and Security Services Division (PCSSD).

Layunin nito matugunan kahit papaano ang kakulangan sa armas ng Camarines Norte Provincial Jail.

Sinimulan narin nitong nakalipas na buwan ng Hulyo ang rahabilitasyon ng 3rd floor Multi-Purpose Hall kung saan umaabot sa P1.2 milyon na mula sa savings ng pamahalaang panlalawigan.

Isusunod na rin umano dito ang renobasyon ng mga opisina at receiving area sa unang palapag ng CNPJ na pinonduhan ng halagang P1.125 milyon na mula naman sa Annual Budget Appropriation ng PCSSD.

Maglalagay rin ng CCTV Cameras sa paligig ng CNPJ para umano sa ibayong seguridad sa CNPJ na may pondong umaabot sa P220,000.00.

Ang naturang mga proyekto ayon sa pamahalaang panlalawigan ay upang makapagbigay ng maayos na serbisyo at mabawasan ang mga insedente ng umano'y pagtakas ng mga inmates at pagpasok ng mga kontrabando sa CNPJ.

GM VILLANUEVA NG PARACALE WATER DISTRICT DUMIPENSA RE; KAWALAN UMANO NG AKSYON SA MADUMING TUBIG MULA SA BATOBALANI WATERSHED

Dumipensa si General Manager Lot Villanueva ng Paracale Water District kaugnay sa mga reklamo ng mga taga barangay Batobalani, Paracale, Camarines Norte dahil sa kawalan di umano ng aksyon nito sa maduming tubig na nagmumula sa Batobalani Watershed na kanilang pinagkukunan ng tubig inumin.

Sa panayam ng Balitang Probinsya kay Villanueva, sinabi nito na ginagawan naman nila umano ng paraan kung papaano matutuldukan ang nasabing problema sa patubig sa nasabing lugar.

Bukas nga umano Agosto 26, 2015 ay nakatakdang magsagawa ng Board Meeting ang kanilang tanggapan para pag-usapan ang nasabing suliranin.

Sinabi rin nito na hindi agad nila maayos dahil sa kakulangan narin di umano ng pondo  para sa pagsasaayos ng nasabing water facility.

Inirereklamo kasi ng miyembro konsumedores ang maduming tubig na kanilang binabayaraan sa PWD na nagmumula sa nasabing facility dahil sa maliban sa lumalabo ito tuwing maulan wala rin harang o takip ang dam kung saan prone ito sa mga laglag ng mga dahon ng kahoy at dumi mula sa kabundukan.

Ayon sa mga konsumedores, nito nga lamang umanong nakaraang buwan ay kulay itim ang lumabas sa kanilang mga gripo kung saan pinangangambahan ang mapanganib na dulot nito sa mga mamamayan.

Kinumperma rin mismo ni Kapitan Nelson Dasco na may nakasakit na sa kanilang barangay dahil sa maduming tubig na matagal na nilang inirereklamo sa nasabing tanggapan pero hanggang ngayon ay wala parin aksyon umano ang tanggapan ni Villanueva.

Sa ngayon, patuloy na umaani ng batikos ang tanggapan ni Villanueva mula sa mga residente sa lugar na ayon sa mga ito wala umanong ibang inaatupag kundi ang pagpapaayos ng kanyang tanggapan.

LONGEST TRICYCLE PARADE, ISASAGAWA SA BAYAN NG LABO SA DARATING NA SETYEMBRE 5, 2015 RE; BUSIG ON FESTIVAL

Nakatakdang isagawa ng pamahalaang lokal ng bayan ng Labo, Camarines Norte ang pinakamahabang parade ng mga tricycle sa darating na Setyembre 5, 2015 bilang bahagi ng pagdiriwang ng 17th Busig on Festival at 215th Founding Anniversary ng bayan ng Labo, Camarines Norte.

Ayon kay Vice Mayor Severino H. Francisco Jr, layunin ng nasabing parada ng mga tricycle na makapasok sa Guinness World Record kung saan layunin nito na malampasan ang record sa Guinness World Record ng Cauayan City, Isabela na nakapagtala ng umaabot sa 685 units ng tricycle.

Nabatid na sa bayan ng Labo ay may kabuuang 1,650 units ng mga tricycle kung saan kailangang makakuha ng 60%-70% ng nasabing bilang ng mga tricycle ang kailangang makiumisa para malampasan ang records ng Cauayan City, Isabela sa Guinness World Record .

Samantala, may 3 litrong gasolina naman na ibibigay ang LGU Labo sa mga tricycle na magmumula sa Bagong Silang, Labo habang 2 litro naman ang ibibigay sa mga tricycle na may rota sa poblacion.

Kung maalala, una ng isinagawa ng LGU Labo ang Longest Ginataan Cousin kung saan nakapasok din ito sa Guinness World Record sa Municipality Category.

59 ANYOS NA PADRE DE PAMILYA, NAGPATIWAKAL MISMO SA LOOB NG KANYANG BAHAY GAMIT ANG LUBID NA TAMSI

Kusang nagpasaklolo kay kamatayan ang isang 59 anyos na padre de pamilya ng P-5 Brgy. San Felipe, Basud, Camarines Norte kahapong madaling araw gamit ang lubid na tamsi na itinali sa kanyang leeg.

Kinilala ang nakabiting biktima sa mismong terrace ng kanyang bahay na si Cesar Embido y Odo ngayon ay pinaglalamayan na sa isang funeral homes sa naturang bayan.

Patuloy pang inaalam ng mga awtoridad ang dahilan ng pagpapakamatay ng nasabing ama.

35 ANYOS NA LALAKI ARESTADO SA BAYAN NG PARACALE, CAMS. NORTE DAHIL SA DAWALANG KASONG KINAKAHARAP SA BATAS

Kasong paglabag sa RA 9165 (Illegal Drugs) at RA 10591ang kakaharapin ngayon ng isang 35 anyos na lalaki na kinilalang si Joven Adano y Casiao ng P-2 Brgy. Dalnac, Paracale, Camarines Norte kung saan nakuha sa pag-iingat nito ang ibat ibang uri ng mga drug paraphernalia sa isinagawang search warrant kamakalawa ng mga awtoridad sa pamamagitan na rin ni Hon.  Judge Arniel Dating ng Br. 41 kaugnay sa nasabing kaso.

Sa ngayon ayon sa mga awtoridad nananatiling humihimas ng bakal na rehas sa detention facility ng Paracale PNP para harapin ang nasabing kaso.

Bago ang pagkakaaresto sa suspek, isang team ang binuo ng mga awtoridad sa pangunguna ng Paracale PNP na nag resulta sa pagkakadakip ng nasabing suspek.

LABO, CAMS. NORTE: 14 ANYOS NA DALAGITA GINAHASA UMANO NG ISANG 21 ANYOS, SUSPEK ARESTADO!

Kalabuso ngayon ang isang 21 anyos na lalaki na kinilalang si Jerris Tiamson, pansamantalang nakatira sa P-2 Brgy. Talobatib, Labo, Camarines Norte matapos na positibo itong ituro ng kanyang biniktima na 14 anyos na itinago nalamang ng mga awtoridad sa alyas na Myra.

Una rito, naaresto ng mga barangay opisyal ang suspek sa lugar kung saan nakatira ang biktima nitong sabado ng hapon matapos ituro ng biktima at ituga ang kahalayang ginawa sa kanya ni Tiamson.

Noong araw din yun ay agad na dinala ng mga barangay opisyal sa pulisya ang suspek para masampahan ng kaso.

Minabuti naman ng Balitang Probinsya na wag ng isapubliko pa ang lugar na pinagtitirhan ng biktima ganun din ang mga pangalan ng mga barangay opisyal na humuli sa suspek para na rin sa kapakanan ng biktima.

Sa ngayon nahaharap sa kasong Rape si Tiamson in relation to 7610 na patuloy na humihimas ng bakal na rehas sa detention facility ng Labo PNP.

29 ANYOS NA MAGKAKABUD SA BAYAN NG PARACALE, CAMARINES NORTE DAHIL SA KASONG PAGLABAG SA PD 1602

Arestado ang isang 29 anyos na lalaki na kinilalang si Richard Tormes y Penaflores, walang asawa, residente ng P-5 Brgy. Bagumbayan, Paracale, Camarines Norte dahil sa kasong paglabag sa PD 1602.

Ang suspek ay inaresto ng mga operatiba ng Paracale PNP sa bisa ng warrant of arrest na ipinalabas ni Hon. Wilfredo F. Herico, Acting Presiding Judge ng MTC Paracale, Camarines Norte noong Aug, 17, 2015 na may criminal case no. 14-4826 kaugnay sa nasabing kaso kamakalawa ng umaga.

Sa ngayon ang nasabing akusado ay humihimas na ng bakal na rehas sa detention facility ng Paracale PNP para sa kaukulang disposisyon.

BODEGA NG PALAY SA TALISAY, CAMARINES NORTE, SINUNOG DI UMANO NG HINDI PA MABATID NA SALARIN

Abo na ng madatnan ni Ginoong Benjamin Bravo Arce ang kanyang bodega ng palay na nasa P-2 Brgy. Sto Niño, Talisay kamakalawa ng umaga.

Base sa salaysay ni Ginoong Arce sa himpilan ng Talisay PNP, bandang alas 7:00 ng umaga kamakalawa ng kanyang bisitahin ang kanyang bodega ng palay sa nasabing lugar subalit laking gulat n’ya umano ng kanyang madatnan na abo na ito lahat sanhi ng pagkakasunog ng hindi pa mabatid na salarin.

Base umano sa mga residente malapit sa kanyang bodega, bandang alas 10:00 umano ng gabi ng biglang sumiklab ang apoy at dahil sa mabilis ang pagkalat nito hindi na umano nagawa maisalba pa ng mga residente ang nasabing bodega hanggang sa tuluyan nalamang itong natupok.

Maliban sa nasabing bodega, sinira rin umano ang kanyang pananim malapit sa kanyang bodega na hinihinalang iisang tao lamang gumawa.

Si Ginoong Arce ay may-asawa at residente ng P-4 Brgy. Caawigan, Talisay, Camarines Norte.

Sa ngayon patuloy pang iniimbistigahan ng mga awtoridad ang pangyayari at kung sino ang responsible sa panununog.

Inaalam pa rin hanggang ngayon ang halaga ng pinsalang iniwan ng apoy.

36 ANYOS NA BABAE SA BAYAN NG MERCEDES, CAMS. NORTE, POSIBLENG MAKULONG DAHIL SA 4 NA SAKONG ULING NA KAHOY

Posibleng makulong dahil sa paglabag sa PD 705 (Forestry Code of the Philippines) ang isang 36 anyos na kinilalang si Floredel Morate y Beldua, may-asawa, residente ng Manguisoc, Mercedes, Camarines Norte.

Naaktuhan ng mga awtoridad na nagha-hauling ng apat na sakong uling na kahoy sa Barangay 4, Mercedes kamakalawa ng tanghali.

Ayon sa mga awtoridad inaresto ang suspek dahil sa kawalang ng kaukulang dokumento para sa nasabing uling na kahoy na ngayon ay nasa kustodiya na Mercedes PNP ganun din ang mga nakumpiskang uling para sa kaukulang disposisyon.

28 ANYOS NA LALAKI, ARESTADO DAHIL SA KASONG PAGNANAKAW SA BAYAN NG JOSE PANGANIBAN, CAMARINES NORTE

Nahaharap ngayon sa kasong Theft o pagnanakaw ang isang 28 anyos na lalaki na kinilalang si Ace Bernal Barcelona y Del Mundo alyas “Bulilit” residente ng P-2 Brgy. Parang, Jose Panganiban, Camarines Norte.

Ang nasabing akusado ay inaresto ng mga operatiba ng batas mula sa Jose Panganiban PNP kamakalawa ng hapon sa bisa ng warrant of arrest na inisyu ni Hon. Winston S. Racoma ng RTC Br. 39, Daet, Camarines Norte noong Mayo 21, 2015 kaugnay sa nasabing kaso na may 22,000.00 pesos bail recommended para sa pansamantalang kalayaan.

Sa ngayon patuloy na humihimas ng bakal na rehas ang nasabing suspek sa detention facility ng Jose Panganiban PNP para sa kaukulang disposisyon.

24 ANYOS NA BINATA KUSANG NAGPASALUBONG KAY KAMATAYAN SA PAMAMAGITAN NG PAG-BIGTI SA PUNO NG PAITIK SA BAYAN NG LABO, CAMARINES NORTE

Kusang nagpasalubong kay kamatayan sa pamamagitan ng pagbigti sa puno ng paitik ang isang 24 anyos na binata na kinilalang si Jomar Godoyo y Lukban, residente ng P-3 Brgy. Benit, Labo, Camarines Norte kamakalawa ng hapon.

Una rito personal na tumungo sa Labo PNP ang isang nagngangalang Jocelenda Godoyo y Ulaye, bayaw ng nasabing nagpatiwakal na binata upang i-report sa mga pulis ang nangyari sa kanyang bayaw.

Sa inisyal na imbistigasyon, lumalabas na nagpaalam ang nasabing binata sa kanyang ina upang kumuha ng panggatong na kahoy sa makahoy na lugar ng nasabing barangay  subalit hindi hindi na ito bumalik hanggang sa matagpuan nalamang ito na nakabitin na sa sanga ng paitik at wala ng buhay.

Sa ngayon hindi pa malinaw ang dahilan ng pagpapakamatay ng nasabing binata.

MOTORSIKLO vs. BISEKLITA; DRIVER ISINUGOD SA OPISTAL SANHI NG PINSALA SA KATAWAN

Parehong isinugod sa Camarines Norte Provincial Hospital ang driver ng motorsiklo at driver ng biseklita matapos salpukin nito ang nagbibiseklitang si Agosto Diaz sa bahagi ng Vinzons Avenue Brgy. Calangcawan Sur, Vinzons, Camarines Norte kamakalawa ng gabi habang patungo ito sa bayan ng Vinzons.

Kinilala naman ng mga awtoridad ang driver ng motorsiklo na si Alfonso Sarco ng Calangcawan Norte ng nasabing bayan na hinihinalang lasing ng mangyari ang insedente.

Sa imbistigasyon ng mga awtoridad, binabagtas ng biktima at ng driver ng motorsiklo ang kahabaan provincial road mula bayan ng Talisay, Cams. Norte subalit pagdating sa nasabing lugar ay aksidente nitong nabundol ang biktima.

Matapos mapasuri sa doktor ang nasabing driver ng motorsiklo sanhi ng mga tinamong pinsala sa kanyang katawan ay dinala na rin ng mga awtoridad sa presinto at nahaharap sa kaukulang kaso.

Nasa kustodiya na rin ng Vinzons PNP ang motorsiklo ng suspek para sa kaukulang disposisyon.

ISANG MAGSASAKA SA BAYAN NG LABO, CAMARINES NORTE, ARESTADO DAHIL SA KASONG MURDER

Bilanguan ngayon ang binagsakan ng isang 30 anyos na magsasaka sa bayan ng Labo, Camarines Norte matapos itong arestuhin ng pinagsanib pwersa ng mga awtoridad sa Camarines Norte dahil sa kasong pagpatay o murder.

Kinilala ng mga awtoridad ang suspek na si Jerol Agnote y Balbero, may kinakasama, residente ng P-3 Brgy. Bayabas, Labo, Camarines Norte.

Naaresto si Agnote kamakalawa ng umaga sa P-5 Brgy. Guisican, Labo sa bisa na rin ng warrant of arrest na ipinalabas ni Hon. Roberto A. Escaro, Acting Presiding Judge ng RTC Br. 64 kaugnay sa nasabing kaso.

Sa ngayon ang suspek ay nakapiit na sa lock up cell ng Labo PNP para harapin ang kanyang kaso.

MGA RESIDENTE NG BARANGAY BATOBALANI, PARACALE, NAGREREKLAMO NA DAHIL SA UMANO'Y MADUMING SUPPLY NG TUBIG MULA MISMO SA KANILANG WATERSHED

Nagrereklamo na ang mga konsumedores ng Paracale Water District (PWD) sa barangay Batobalani, Paracale, Camarines Norte dahil umano sa maduming supply nito mula mismo sa Batobalani Watershed na matatagpuan sa Sitio Igang ng nasabing barangay.

Sa panayam ng Balitang Probinysa kay Barangay Captain Nelson N. Dasco ng barangay Batobalani, Camarines Norte, kinumperma nito ang maduming tubig na lumalabas sa kanilang mga gripo lalo na sa panahon ng tag-ulan.

Nito nga lamang umanong nakalipas na buwan ay kulay itim at animo'y putik ang lumabas sa kanilang mga gripo na tumagal ng halos ilang minuto bago ito nawala.

Sinabi rin nito na ilan sa kanyang mga kabarangay ay nagkakasakit na dahil sa madumning tubig at isa nga umano dito sa mga naging biktima ay ang kanya mismong pinsan kung saan nagkasakit ito ng typhoid o tipus.

Ganito rin ang pinangangambahan ng mga konsumedores na baka pagdating ng panahon ay marami na ang magkasakit sa kanilang lugar.

Dagdag pa ni Kapitan Dasco, matagal na nila itong inirereklamo sa tanggapan ng Paracale Water District sa pamumuno ni General Manager Lot M. Villanueva subalit hindi parin ito natutuldukan.

Ilang resolusyon narin umano ang kanilang ipinasa sa Sangguniang Bayan ng Paracale, Camarines Norte subalit hanggang sa ngayon ay hinihintay parin daw nila ang magiging tugon dito ng mga opisyal ng LGU Paracale.

Matagal na rin umanong nakarating sa tanggapan ni Mayor Romeo Moreno ang nasabing problema subalit hinihintay parin daw nila umano ang magiging
aksyon dito ng opisyal.

Nabatid na isang sapa ang pinagkukunan ng tubig na ginawan lamang ng Dam na open na open umano ito sa mga laglag ng dahon ng mga kahoy at iba pang dumi mula sa kabundukan dahilan para maging madumi ito.

Napag-alaman din na lumalambot ang lupa sa nabangit na lugar na anila'y parang "clay" lalo na sa panahon ng tag-ulan na nagreresulta naman ng paglabo ng tubig nito.

Maliban pa dito, may ilang tao rin daw na nagmimina malapit sa nasabing lugar.

Sa huli, umaasa ang mga konsumedores na mabibigyan ito ng agarang aksyon ng mga kinauukulan at wag na umanong hintayin pa na marami  ang magkasakit bago gagawa ng aksyon.

9 NA KATAO NA MAY IBAT-IBANG KASONG KINAKAHARAP SA BATAS, MAKAKASUNOD NA NAHUI NG MGA AWTORIDAD SA BIKOL

Magkakasunod na nahuli ng mga awtoridad sa Bicol Region ang 9 na katao na may warrant of arrest para sa ibat-ibang kasong kinakaharap sa batas nito lamang  nakalipas na lunes Agosto 17, 2015.

Una rito ang No. 1 Municipal Most Wanted Person sa talaan ng  San Lorenzo Ruiz PNP sa Camarines Norte na isang 17 anyos na lalaki na hindi na isinapubliko ang pangalan dahil sa itoy menor de edad na may kasong Kidnapping or Serious Illegal Detention in Rel. to RA 7610 na walang piyansang inirekomenda ang korte na nasakote ng pinasanib pwersa ng Basud PNP , Lupi PNP Camarines Sur at 5th Regional Public Safety Battalion.

Pangalawa sa Sipocot Camarines Sur kung saan arestado ang 18 anyos na binata na kinilalang si Angelo Baylon alyas Biboy ng Fabricante St., South Centro, Sipocot na may kasong pagnanakaw na  20,000 pesos bail recommended para sa pansamantalang kalayaan nito.

Pangatlo sa Libmanan Camarines Sur, kung saan isang 56 anyos naman na padre de pamilya ang inaresto na kinilalang si Francisco Bobis ng Brgy. Mambulo Nuevo, Libmanan, Camarines Sur dahil sa kasong paglabag sa RA 9262 "Anti-Violence Against Women and Their Children Act of 2014" na may 12,000.00 bail recomended.

Pang-apat sa Iriga City, kung saan isang Anthony Ocile, 21 anyos, binata, residente ng Malangatong St. Zone 4 ang inaresto ng Iriga CPS dahil sa kasong Reckless Imprudence Resulting in Serious Physical Injuries na may 12,000.00 pesos bail recommended para sa pansamantalang kalayaan.

Pang lima sa Buhi, Camarines Sur kung saan inaresto ng Buhi MPS ang isang nagngangalang Ricardo Borilla, 62 anyos, binata ng Brgy. Sta. Justina West ng nasabing bayan dahil sa kasong Reckless Imprudence Resulting in Damaged to Property na may 15,812.50 pesos bail recommended.

Pang-anim sa Bula, Camarines Sur kung saan kasong paglabag naman sa PD 705 Revised Forestry Code of the Philippines na may 40,000.00 bail recommended ang kinakaharap ng suspek na si Terso Registrado, 45 anyos, may-asawa, residente ngBrgy. Palsong, Bula, Camarines Sur.

at ang Pang-pito at pang-walo ay sa Pili, Camarines Sur, kung saan isang Ronie Mark De Lunna, 22, anyos at Shan San Buenaventura, 23 anyos walang asawa kapwa residente ng Zone 4 Nazareth, Brgy. Cadlan, Pili, Camarines Sur dahil sa Frustrated Murder na may 200,000.00 pesos bail recommended para sa pansamantalang kalayaan.

Pang-siyam ay sa Goa Camarines Sur kung saan arestado ang isang nagngangalang Dominador Parro y Vibar, 42 anyos, may-asawa ng Brgy, San Sebastian, Lagonoy, Camarines Sur dahil sa kasong Reckless Imprudence Resulting in Homicide na may 12,000 pesos bail recommended para sa pansamantalang kalayaan.

Ayon sa mga awtoridad, ang mga nabanggit na akusado ay sabay-sabay na ngayong humihimas ng bakal na rehas sa bawat detention facility ng bawat istasyon ng pulisya sa mga nabanggit na lugar.

Ang pagkakaaresto sa mga suspek ay sa pamamagitan na rin ng pinaigtig na PNP P.A.T.R.O.L Plan 2030 in compliance with the PRO5 "Target Output Policy" na direktiba ni Chief Superintendent Victor Deona, Regional Commander ng PNP sa BICOL.

MENOR DE EDAD NA NAHULI KAMAKALAWA NG MGA AWTORIDAD SA KASONG KIDNAPPING OR SERIOUS ILLEGAL DETENTION, NO. 1 PALA SA MUNICIPAL MOST WATED PERSON SA BAYAN NG SAN LORENZO RUIZ, CAMARINES NORTE

Rank no. 1 Municipal Most Wanted Person ng San Lorenzo Ruiz, Municipal Police Station, Camarines Norte ang isang 17 anyos na binata na nahuli kamakalawa sa pinasanib pwersa ng Lupi Camarines Sur PNP , Basud PNP sa Camarines Norte at 5th Regional Public Safety Battalion (RPSB) sa Barangay Sooc, Lupi, Camarines Sur.

Ito ang nabatid ng Balitang Probinsya base sa ipinalabas na ulat ng "Kasurog Bicol Facebook Account ngayong umaga.

Base sa report ng mga awtoridad, ang nasabing 17 anyos na hindi na isinapubliko ang pangalan ay nahaharap sa kasong Kidnapping or Serious Illegal Detention in Relation to Republic Act 7610 "Special Protection of Children Against Abuse, Exploitation and Discrimanation Act" kung saan walang piyansang inerekomenda ang korte sa nasabing kaso na ngayon ay nasa kustodiya na ng San Lorenzo Ruiz MPS.

Una rito isang warrant of arrest ang ipinalabas ng korte sa sala ni Judge Evan D. Dizon ng RTC Br. 40, Daet, Camarine Norte noong Pebrero 9, 2015  kaugnay sa nasabing kaso.

ISANG NEGOSYANTE SA BAYAN NG DAET, KULONG DAHIL SA KASONG PAGLABAG SA REVISED FORESTRY CODE OF THE PHILIPPINES

Kulong ang isang negosyante sa bayan ng Daet, Camarines Norte  dahil sa kasong paglabag sa setion 77 ng Presidential Decree 705 o mas kilala bilang Revised Forestry Code of the Philippinnes na kinilalang si Richard Ibasco, 43 anyos may-asawa, residente ng Diego Linan St. Brgy. VII, Daet, Camarines Norte.

Inaresto si Ibasco ng pinagsanib pwersa ng mga operatiba ng Daet PNP at San  Vicente PNP bandang alas 10:00 ng umaga kahapon sa nasabing lugar sa bisa na rin ng warrant of arrest na ipinalabas ng kote kung saan halagang 80,000 pesos ang inirekomendang piyansa ng korte  para sa pansamantalang kalayaan nito na ngayon ay nasa kustodiya na ng Camarines Norte CIDT para sa kaukulang disposisyon.

38 ANYOS NA GINANG, ARESTADO DAHIL SA KASONG PAGNANAKAW SA BAYAN NG LABO, CAMARINES NORTE

Kalabuso ngayon ang isang ginang na kinilalang si Rosita Gubat y Villados, walang trabaho, residente ng P-3 Brgy. Dalas, Labo, Camarines Norte dahil sa kasong pagnanakaw o theft na may criminal case no. 15G-8511.

Si Ginang Gubat ay may warrant of arrest na ipinalabas ni Hon. Salvador C. Villarosa Jr, Presiding Judge ng MTC Labo kaugnay  sa nasabing kaso.

Halagang 10,000 pesos naman ang piyansang inilaan ng korte sa kaso ng suspek para sa pansamantalang kalayaan nito na base sa pinakahuling ulat ng Labo PNP ay nakalabas na ito matapos na maghain ng piyansa sa korte.

Naaresto ang suspek ng mga operatiba ng Labo PNP bandang alas 5:00 ng hapon kahapon sa Burgos St. Brgy. Gumamela, Labo, Camarines Norte.

LABO DISTIRCT JAIL, NAGDIRIWANG NG KANILANG IKA 2 TAONG ANEBERSARYO NGAYONG ARAW SIMULA NG LUMIPAT SA BARANGAY MASALONG, LABO, CAMARINES NORTE

Nagdiriwang araw ang Labo Distirct Jail ng ika 2 taong anibersaryo simula ng lumipat ito sa barangay ng Masalong, Labo, Camarines Norte noong Agosto 18, 2013.

Kung saan nagkaroon ng pagkakataon na makapiling ng nasa 120 mga inmates o residente ang kanilang mga kaanak sa buong maghapon ngayon.

Nagkaroon din ng kunting salo-salo ang mga residente kasama ang kanilang mga kaanak sa loob ng compound ng nasabing piitan na ang iba dito ay may dalang pagkain.

Kung maalala, tinanghal bilang Regional Best District Jail of the Year ang Labo District Jail nitong nakalipas na biyernes dahil sa maayos na sistema at programa nito para sa mga inmate sa pamumuno ni SJO4 Arnel Lagatuz, Officer in Charge ng LDJ.

Tumanggap din ito ng Certificate of Commendation mula sa LGU Labo dahil sa husay at maayos na pamamahala sa loob at labas ng nasabing piitan.

DRIVER NG DYIP NA TUMAKAS MATAPOS MAKABANGGA NG TRICYCLE, MAHAHARAP SA KASONG RECKLESS IMPRUDENCE RESULTING TO SERIOUS PHYSICAL INJURIES AND DAMAGE TO PROPERTY

Kasong Reckless Imprudence Resulting to Serious Physical Injury ang kakaharapin ng driver ng dyip na si Saldy Eneria y Elep ng P-2 Brgy. Tabas, Paracale, Camarines Norte matapos nitong banggain ang isang pampasaherong tricycle sa  P-6 Brgy. Bagacay, Labo, Camarines Norte na nagkalasuglasog ang bubungan ng sidecar nito kahapon na minamaneho ni Loreto Diaz Jr y Harden 38 anyos, residente ng P-2 Brgy. Dancalan, Paracale, Camarines Norte na ngayon ay patuloy na nagpapagaling sa CNPH.

Ito ang sinabi sa panayam ng Balitang Probinysa kay P/Supt. Geoffrey Fernandez, Acting Chief of Police ng Labo PNP ngayong hapon.

Pero sa halip na sumuko sa mga awtoridad ang driver ng dyip ay mabilis itong tumakas lulan ng kanyang minamanehong dyip na isa ring pampasahero sa hindi mabatid na direksyon.

Maswerte namang minor lamang ang tinamong pinsala ng mga pasahero ng nasabing tricycle na pawang mga istudyante ganun din ang pasahero ng nasabing dyip na naiwan sa pinangyarihan.

Una ng sinabi ng mga pasahero ng dyip at tricycle na mabilis ang patakbo ng driver ng dyip dahilan para maaksidente ito.

KASONG CARNAPPING PORMAL NG ISINAMPA KAY TAVERA SA PROVINCIAL PROSECUTION OFFICCE

Pormal ng sinampahan kahapon ng kasong paglabag sa Republic Act 6539 (Anti-Carnapping Act of 1972 ) sa Provincial Prosecutors Office sa bayan ng Daet, Camarines Norte ang suspek na nagnakaw ng motor na kinilalang si Alex Tavera y Tapia kamakalawa ng madaling araw sa barangay Talobatib, Labo, Camarines Norte.

Hawak ngayon ni 2nd Assistant Provincial Prosecutor Athena S.R. Oco-Boado ang kaso ng suspek na ngayon ay nananatiling nasa detention facility ng Labo PNP.

Inasistihan naman ni Atty. Lourdes Clarissa Donnatilla K. Cu ng Public Attorney's Office (PAO) ang akusado na humiling ng direct filing ng kaso sa korte.

Piyansang halagang 180,000 pesos ang inirekomenda ng korte sa suspek para sa pansamantalang kalayaan nito.

BUS vs MOTORSIKLO, DIRVER MALUBHA SA BAYAN NG BASUD, CAMARINES NORTE

Nasa malubhang kondisyon ngayon ang isang 20 anyos na binata matapos magsalpukan ang minamaneho nitong motorsiklo at isang pampasaherong bus sa kahabaan ng Maharlika Highway, Sitio Makabohos, Tuaca, Basud, Camarines Norte pasado alas 2:50 kahapon.

Kinilala ang biktima na si Lemuel Perrera y Illagan, residente ng Brgy. Alanao, Lupi, Camarines Sur na mabilis na isinugod sa Sipocot Distirct Hospital, Sipocot, Camarines Sur subalit inilipat din ito sa Bicol Medical Center dahil sa malubhang pinsala nito.

Kinilala naman ang driver ng Elavil Bus na may plate no. EVU 690 na sangkot sa aksidente na si Edgardo Reyes Naldazo, 40 anyos, may-asawa, residente ng Purobatia, Libmanan, Camarines Sur na ngayon ay nasakustodiya ng Basud PNP ganun din ang mga sasakyang sangkot sa aksidente para sa kaukulang disposisyon.

Sa imbistigasyon ng mga awtoridad, parehong binabagtas ng dalawang sasakyan ang kahabaan ng Maharlika Highway at pagsapit sa nasabing lugar ay saka nangyari ang aksidente.

39 ANYOS NA PADRE DE PAMILYA NAHAHARAP SA KASONG PAGNANAKAW SA BAYAN NG STA. ELENA, CAMARINES NORTE

Arestado ang isang 39 anyos na padre de pamilya na kinilalang si Rommel Abril y Sureta dahil sa kasong pagnanakaw noong nakaraang taon sa bayan ng Sta. Elena, Camarines Norte.

Ayon sa mga awtoridad, si Abril ay may warrant of arrest mula sa MTCC Capalonga-Sta. Elena, Camarines Norte na inisyu ni Hon. Judge Abasola Noble, noong December 1, 2014 kaugnay sa nasabing kaso.

Halagang 10,000 pesos naman ang inirekomendang piyansa ng korte sa suspek para sa pansamantalang kalayaan nito na ngayon ay patuloy na humihimas sa detention facility ng nasabing istasyon.

Naaresto si Abril bandang alas 9:30 kagabi sa P-2 Brgy. San Lorenzo, Sta. Elena, Camarines Norte ng mga operatiba ng Sta. Elena MPS.

LALAKI SA SAN LORENZO RUIZ, ARESTADO NG MGA AWTORIDAD MULA SA LUPI CAMARINES SUR DAHIL SA KASONG KIDNAPPING

Arestado ng Lupi Municipal Police Station, Camarines Sur ang isang wanted person sa bayan ng San Lorenzo Ruiz, Camarines Norte na may kasong Kidnapping or Serious Illegal Detention.

Kinilala ang naaresto at akusado sa pangalang Michael, 17 anyos, binata, residente ng Brgy. Manlimonsito, San Lorenzo Ruiz, Camarines Norte.

Ayon sa mga awtoridad, ang suspek ay may warrant of arrest na inisyu ng korte sa pamamagitan ni Hon. Judge Evan Dizon ng RTC Br. 40, Daet Camarines Norte noong Feb. 29, 2015 kaugnay sa nasabing kaso.

Wala naman piyansang inirekomenda ang korte sa nasabing suspek na ngayon ay nakapiit na sa detention facility ng San Lorenzo MPS para sa kaukulang disposisyon.

Naaresto ang suspek bandang alas 4:20 ng hapon kahapon sa pangunguna ni Police Senior Inspector Rustom A. Dela Torre, Acting Chief of Police ng Lupi Municipal Police Station.

TRICYCLE NAGKALASUGLASOG MATAPOS BANGGAIN NG DYIP SA BAYAN NG LABO, CAMARINES NORTE KAHAPON

Photo Courtesy bu Coco Muchoo

Isang pampasaherong tricycle ang nagkalasuglasog matapos itong salpukin ng isang pampasaherong dyip bandang alas 12:40 ng hapon kahapon sa may bahagi ng P-6 Brgy. Bagacay, Labo, Camarines Norte.

Sa imbistigasyon ng Labo PNP, binabagtas ng nasabing tricycle na wala paring plate number ang kahabaan ng provincial road mula sentro ng bayan ng Labo patungong barangay Dancalan, Paracale, Camarines Norte ng salpukin ito ng isang rumaragasang pampasaherong dyip na may plate no. DEG 715 na nakarehistro sa isang nagngangalang Adam Fernandez ng P-1 Tabas, Paracale na minamaneho naman ni Saldy Eneria y Elep ng P-2 Brgy. Tabas, Paracale, Camarines Norte na mabilis naman umanong tumakas sa hindi pa malamang direction matapos ang insedente.

Agad naman isinugod ang driver ng tricycle sa Camarines Norte Provincial Hospital dahil sa tinamong pinsala sa ibat ibang bahagi ng kanyang katawan na kinilalang si Loreto Diaz Jr y Harden 38 anyos, residente ng P-2 Brgy. Dancalan, Paracale, Camarines Norte na hanggang ngayon ay patuloy na nagpapagaling sa nasabing pagamutan.

Maswerte namang minor lamang ang mga tinamong pinsala ng mga pasahero nito na pawang mga estudyante ng Labo National High School.

Ayon sa mga pasahero ng dyip at tricycle, mabilis umano ang paharorot ng ng driver ng dyip dahilan para sumalpok ito sa nasabing tricycle.

Sa ngayon nasa kustodiya na ng Labo PNP ang nagkalasuglasog na tricycle na inaalam pa ang naging halaga ng pinsala habang patuloy na tinutugis ng mga awtoridad ang driver ng dyip matapos itong tumakas.

Vehicular acident transpired o0a 12:40pm aug 17,2015 at p6. bagacay. labo.cn. involving puj jeep plate n0. DEG 715 own and reg to adam fernandez of p1 tabas.paracale,cn driven by saldy eneria y elep of legal age,jepney driver res of p2 tabas, paracale,cn and 0ne h0nda mc wid side car wid out plate n0.Own and driven by loreto diaz jr y harden, 38yo, tricycle driver, res of p2 dangcalan, paracale, cn. initial invest conducted by the responding police of dis stati0n as per interview to d witnesses disclose dat while d said mc was travelling frm d0wnt0wn labo g0ing to brgy dancalan, paracale, cn and up0n reaching d said place of incident acidentally bump/head on collisi0n by the puj jeep traversing to past c0ming fr0m oposite directi0n.Driver of said tricycle sustain injuries and rush to cnph, daet,cn. driver of said puj jeep was fled away using his vehicle to unkn0wn directi0n, tricycle involved incurred unestimated am0unt of damages and n0w under the custody of this stati0n for proper disp0siti0n.

ISANG HINDI PA NAKIKILALANG LALAKI NATAGPUANG PATAY SA GILID NG NATIONAL ROAD SA BAYAN NG STA. ELENA, CAMARINES NORTE KAHAPON

Isang lalaki na tinatayang may edad 30-35 anyos, 5'5 ang taas na naka suot ng black jersey short pants at brown t-shirt na may tatak na Beach Bash ang natagpuang nakahandusay at wala ng buhay sa gilid ng National Highway sakop ng P-5 Brgy. Bulala, Sta. Elena, Camarines Norte bandang alas 10:00 ng umaga kahapon.

Sa inisyal na imbistigasyon ng Sta Elena MPS, may tama umano ng bala sa ulo, leeg at  kamay habang nakatali ang mga paa nito ng nylon at may busal ng damit ang bibig nito na hinihinalang sinalvage ng hindi pa nakikilalang mga salarin.

Base umano sa mga residente, hindi umano nila kilala ang biktima at hindi rin ito doon nakatira.

Sa ngayon, nakahimlay na ang labi ng biktima sa isang punerarya sa nasabing bayan habang hinihintay pa ng mga awtoridad kung sino ang pamilya nito.

Una rito, isang tawag ang natanggap ng Sta Elena MPS mula kay Brgy. Kdg. Rufo ng Brgy. Bulala, Sta. Elena upang ipabatid sa mga ito ang nakahandusay na biktima sa nasabing lugar na una ng natagpuan ng isang nagngangalang Crisanto Rayos habang papauwi na umano ito ng kanyang bahay kahapon.

Sa ngayon patuloy pang inaalam ng mga awtordad kung sino ang pamilya ng biktima maging ang motibo ng pagpaslang ng mga hindi pa nakikilalang mga salarin.

2 BARANGAY SA LABO, CAMARINES NORTE, NAGREREKLAMO NA SA MAHINANG SERBISYO NG CAMARINES NORTE WATER DISTRICTA

Nagngingitngit na ngayon ang mga konsesyunaryo ng Camarines Norte Water District dahil sa mahinang supply ng patubig sa ilang lugar sa lalawigan ng Camarines Norte.

Kabilang na dito ang 2 barangay ng bayan ng Labo, Camarines Norte na kinabibilangan ng barangay ng Mabilo I at Mabilo II na una ng nagpaabot ng reklamo sa Balitang Probinsya kaugnay sa serbisyo ng water district.

Sa panayam ng Balitang Probinsya kay Kapitan Jonathan Fruto ng barangay Mabilo II, sinabi nito na nagngingitngit na ang kanyang mga kabarangay dahil sa maliban sa mahinang daloy ay tuluyan na itong nawalan ng daloy ng tubig sa mga faucet ilang linggo na ang nakakalipas na mismong nandun ang isa sa mga water tank ng CNWD pero walang tubig sa kanila lugar.

Ganito rin ang ipinaabot na reklamo ng mga konsumedores mula ng barangay ng Mabilo I, Labo, Camarines Norte.

Habang ang ibang lugar naman na siniserbisyuhan ng CNWD ay hindi nakakaranas ng pagkawala ng daloy ng tubig.

Una ng sinabi ng CNWD na limang bayan ang makakaranas ng mahina hanggang sa pagkawala ng daloy ng tubig inumin na kinabibilangan ng Labo, San Vicente, Vinzon, Talisay, Mercedes ilang lugar sa Daet.

Depensa ng CNWD bumagsak daw kasi 33% ang level ng tubig sa mga source nito nitong mga nakalipas na buwan dahilan para makaranas ng ganitong sularin  ang mga nasabing lugar.

Tinawagan ng Balitang Probinysa ang tanggapan ni General Manager Ma. Antonia Boma, pero tanging staff nito ang sumagot at sinabing nasa travel daw si Boma para dumalo ng isang business meeting at hindi alam kung kailan ito babalik ng kanyang tanggapan para sagutin ang mga reklamo.

Wala naman daw sa kanilang pwedeng magbigay ng sagot hinggil sa nasabing suliranin kundi General Manage Boma lamang.

Nahirapan ding makontak ng Balitang Probisya ang tanggapan ni Boma dahil sa tuwing tumatawag ay laging busy ang linya nito bagay na isa rin sa inirereklamo ng mga konsumedores sa tuwing magpapaabot ng reklamo.

CANORECO MAGSASAGAWA NG VIDEO TESTING SA SUSUNOD NA LINGGO RE; AGMA VIDEO CONFERENCING

Nakatakdang magsagawa ng Video Testing ang tanggapan ng Camarines Norte Electric Cooperative o CANORECO sa susunod na linggo kaugnay sa isasagawang Annual General Membership Assembly kung saan high tech na ito dahil sa video conferencing na ang gagawin sa pagpupulong ng lahat ng miyembro konsumedores sa August 29, 2015 ala 1:00 ng hapon.

Sa panayam ng Balitang Probinysa ngayong hapon kay Delia Durante, tagapagsalita ng Canoreco, kanyang sinabi na base umano sa service provider ng nasabing video conference ay magkakaroon ng pag test sa sususnod na linggo  ng mga kagamitan sa limang venue ng AGMA na kinabibilangan ng; Daet, Mercedes, Labo, Capalonga at Sta. Elena, Camarines Norte.

Sakali umano na magkaroon ng problema sa mga kagamitan o sa signal ng pagsasagawa ng high tech na sistema sa panahon ng pagtetesting idadaos nalamang nila umano ang AGMA sa main venue sa Camarines Norte Agro Sport Center sa bayan ng Daet.

Umaasa naman si Durante na hindi magkakaproblema ang mga kagamitang gagamitin ganun din ang signal para matuloy ang kauna-unahang high tech AGMA na pinunduhan ng nasabing kooperatiba ng umaabot sa mahigit Php 200,000.00 pesos.

Nitong nakalipas na semana umano ay nakapag lagay na ng poste ang mga service provider personnel na paglalagyan ng mga gadgets na gagamitin para high tech na AGMA sa limang lugar na nabanggit.

Sa huli sinabi ni Durante na hanggang sa ngayon ay pinaghahandaan pa rin ito ng kanilang tanggapan para sa ikaaayos ng nasabing aktibidad.

JO1 ELNAR NG LABO DISTRICT JAIL, BINIGYAN NG CERTIFICATE OF COMMENDATION NG LGU LABO, MATAPOS GAWARAN BILANG REGIONAL FEMALE JNCO OF THE YEAR NG BUREAU OF JAIL MANAGEMENT AND PENOLOGY

Matapos gawaran ng award bilang Regional Female JNCO of the Year si JO1 Karen Kaye A. Elnar ng Labo District Jail sa katatapos na 24 taong anebersaryo ng Bureau of Jail Management and Penology na ginanap sa Legaspi City, BJMP Regional Headquarters noong biyernes (August 14, 2015).

Tinanggap naman n'ya ngayong araw ang Certificate of Commendation mula sa pamahalaang lokal ng bayan ng Labo, Camarines Norte sa pamumuno ni Mayor Joseph V. Ascutia katuwang si Vice Mayor Severino H. Francisco Jr.

Kanina sa Flag Raising Ceremony, personal na inabot nina Mayor Ascutia at Vice Mayor Francisco ang nasabing Commendation kay JO1 Elnar bilang pagkilala sa kanyang nakamit at husay sa trabaho kahit na Officer 1 palamang ito.

Si Elnar ay 4 na taon na sa serbisyo sa BJMP kung saan naatasan s'ya  bilang Community Relations Services at dati ring Program Development Division JNCO.

Sa ngayon s'ya rin ang achorwoman ng Radyo sa Piitan sa DWLB FM 89.7Mhz, isang community radio station sa bayan ng Labo, Camarines Norte tuwing linggo alas 7:00am-8:00am na tumatalakay sa mga programa at development ng BJMP ganun din ang pagbibigay daan sa talambuhay ng mga inmates na kanilang binabantayan.

Maliban pa dito, miyembro rin s'ya ng Custodial at Escort Services din LDJ.

Sa huli sa panayam ng Balitang Probinsya sinabi nito na "sobrang saya po... nakakatuwa dahil narerecognize rn ng lgu ang mga ginagawang pagsisikap ng bureau partikular na ng labo district jail ang aming pagsisikap na repormahin ang mga residente n nasa ilalim ng aming pangangalaga... at napakahalaga ng suporta ng lgu maging ng komunidad para maibigay natin ang hinahangad nating pagbabago kasama n ang tagumpay na ito. maraming salamat po uli. sulong labo!".

SJO4 LAGATUZ, NAGPASALAMAT SA MGA BENEFACTOR NG LABO DISTRICT JAIL

Nagpaabot ng pasasalamat si SJO4 Arnel Lagatuz, Officer in Charge ng Labo District Jail sa lahat ng mga benefactor ng LDJ kanina sa isinagawang Flag Raising Ceremony ng LGU Labo.

Kabilang sa mga pinasasalamatan ni SJO4 Lagatuz ay ang lokal na pamahalaang bayan ng Labo, Camarines Norte sa pamumuno ni Mayor Joseph V. Ascutia at Vice Mayor Severino H. Francisco Jr dahil sa tulong at suporta umano nito sa kanilang unit para sa mga residente o inmates ng nasabing piitan.

Ganun din ang tanggapan ng Municipal Health Office sa pamamagitan ni Dr. Nelson Guerra, Municipal Health Officer sa suportang medical sa mga inmates na nagkakasakit.

Ayon kay Lagatuz, dahil sa tulong ng MHO ay bihira na ang nagkakasakit na inmates sa kanilang piitan.

Maliban  dito, pinasasalamatan din nito ang tanggapan ng Public Employment Service Office o PESO sa pamumuno naman ni PESO Manager Florida  Quilas sa programang pangkabuhayan na ipinagkakaloob ng nasabing tanggapan katuwang ang Department of Labor and Employment (DOLE) sa mga inmates maging sa mga pamilya nito.

Bukod pa dito, nagpaabot din ito sa lahat ng individual, NGO's at iba pang sector ng pamayanan sa tulong na ibinibigay sa kanila.

Ayon kay Lagatuz, kung wala ang mga nasabing benefactor ay hindi rin nila makakamit ang pagiging Regional Best District Jail sa buong Bicol Region na kanilang tinanggap nitong nakalipas na biyernes (August 14, 2015) sa pangalawang pagkakataon.

Kung maalala, dalawang beses ng tinanghal bilang Regional Best District Jail na gLDJ dahil sa maayos na pamamahala ng mga opisyal nito ganun din ang mga programa at proyekto na makakatulong sa pagreporma sa mga inmates o residente sa nasabing piitan.

LDJ; BINIGYAN NG COMMENDATION NG LGU LABO, MATAPOS MASUNGKIT SA PANGALAWANG PAGKAKATAON ANG PAGIGING REGIONAL BEST DISTRICT JAIL SA BUONG BICOL REGION

Personal na inabot ni Mayor Joseph V. Ascutia ang Certificate of Commendation kay SJO4 Arnel Lagatuz, Officer in Charge ng Labo District Jail matapos muling tanghalin sa pangalawang pagkakataon bilang Regional Best District Jail  sa buong Bicol Region nitong nakalipas na biyernes Agosto 14, 2015 kasabay ng pagdiriwang ng kanilang ika 24 taong anebersaryo na ginanap sa Legaspi City sa BJMP Regional Headquarters.  

Sa pag-abot ni Mayor Ascutia ng nasabing sertipiko, pinuri nito ang LDJ dahil sa maayos na mga programa, pasilidad at pamamahala sa loob at labas ng kulungan para sa mga inmates na dati'y hindi ganun umano kaayos ang Labo District Jail noong ito'y nasa likod pa ng munisipyo ng Labo na ngayon ay nasa barangay Masalong, Labo  kung saan  may-maayos na itong pasilidad.

Ang pag-abot ng komendasyon ay ginawa ng alkalde kasabay ng isinagawang Flag raising ceremony ng LGU Labo, kanina.

Kung maalala, nitong nakalipas na taong 2014 ng unang itanghal ang Labo Distirct Jail ng pagiging Regional Best District Jail dahil sa maayos na mga programa, pasilidad, maayos na pakikitungo ng mga personnel at iba pa sa mga inmates na nasa loob ng selda.