CHIEF INSPECTOR ABARCA, HINILING ANG TULONG NG PUBLIKO SA PAGLUTAS AT PAGBIGAY NG HUSTISYA SA BINARIL NA NEGOSYANTE SA JOSE PANGANIBAN

Nanawagan ng tulong si Police Chief Inspector Victor Abarca, Officer in Charge ng Jose Panganiban PNP sa paglutas ng kaso ni Arnel Morada na binaril nitong nakalikod na sabado ng riding in tandem.

Sa panayam ng Balitang Probinsya kay Abarca, sinabi nito na bagamat may hawak na silang dalawang testigo sa pangyayari pero mahalaga pa rin an’ya ang kooperasyon ng publiko sa pagbibigay ng hustisya kay Morada.

Nanawagan pa ito sa ibang mga nakasaksi na lumantad sa kanilang isanasagawang imbistigasyon para sa mabilis na ikalulutas ng kaso.

Hindi pa umano sa kanila nakikipag-ugnayan ang pamilya ng biktima dahil patuloy patuloy parin ang mga ito sa pagdadalamhati sa nangyari sa kanilang kaanak.

Samantala, pinawi naman nito ang pangamba ng publiko kaugnay sa ilang serye ng shooting incident na nagaganap sa nasabing lugar sa pagsasabing naka alerto naman daw sila yun ngalang nagkakataon na sa kabila ng naka-alerto sila ay may nangyayari parin na kahalintulad na sitwasyon.

Kung maalala, binaril ng hindi pa nakilalang riding in tandem ang biktima habang itoy sakay ng isang motorsiklo kung saan tatlong bala ng hinihinalang kalibre .45 ang tumama sa likod na tumudas dito.